10 Steps

Steppit qulit nuannaarnerulluni peqqinnerullunilu inuunissamut

Tamatta immikkuullarissumik nuannaarnerunissatsinnut pisariaqartitsisarpugut. Tamatta assigiinnginnatta aamma ajunngilluinnarpoq. "Qanoq nuannaarnerussaanga?" – ataasiinnarmik akissutissaqanngilaq. Ukuli kisianni, eqqissisimanermik, naligiittumik peqqissumillu inuuneqarnissamut tunngaviliisinnaapput. Atuakkit misilillugillu, suna tamaat kissaatinnik ingerlalernissaannut periarfissaqarmat. Pilliuteqarpallaartariaqanngilatit nuannaarnerulernissannut. Takuuk!

1. Nerisatit tamarmik ilorrisimaarutigisakkit

   

Nerisassat inuuninni pingaarutilerujussuupput - naleqanngitsutut isigineqarsinnaanngitsut.  Nerisat suunersut qanorlu nerisarneq maluginiassallugit iluaqutaasarpoq. Nerisatit tamarmik eqqarsaatigilluagaallutillu assigiinngiiaartussaapput. Nerineq iliuusaavoq ataqqinassusilik, tamatigut ilorrisimaarutigisassat. Taamaammat nerisassannut ullorsiutiliorniaraangavit pitsaasuutittakkit assigiinngiiaarluartullu. Eqqaamajuk timivit pisariaqartimmagu “inatsiseqarnissaq/malitaqarnissaq”. Pingaartumik, nerisarnitit akulikitsillugit nalunaaqutarlu aaliangersimasuutillugu. 

2. Imertorluartarit

   

Imeq timitsinnut pingaaruteqarluarpoq. Celliliornermi kisimi iluaqutaaneq ajorpoq, timerput iluamik sulisinnaasarpoq imeq pillugu. Inuussutissat nerisatsinniit timitsinnukartut imiup ingerlattarpaa. Eqqaamallugu ullormut minnerpaamik 2liter imertarnissaa. Timeq sulisinnaatissavaa iluarisimaarnerussaatillu. 

3. Kosttilskud pisariaqartitatit pisakkit

   

Nerisatit peqqinnartuutittaraluarlugit vitamin mineralillu pisariaqartitatit pinngirsoortarsinnaagakkit. Taamaattumik kosttilskud iluaqutaasarput, timip iluamik ingerlanissaa anguniarlugu iluaqutaarujussuarsinnaammata. Qasoqqanermuinnaq iluaqutaanatik aamma amiginnerulerneq timillu iluamik sulinissaanut iluaqutaasarmata.

4. Timinnut asiutitsisartut pinaveersaakkit

   

Immaqa ilisarissavat, sapaammi iterlutit qasoqqarujussuarlutit sorusussuseqarnak. Nuannaarnerunissannut allanik pisariaqartitsinngilatit. Pujortarneq alkoholilu nuannaartuusititsisinnaapput kisiannili kingunerisarpaa iluaalliorneq, aningaasanik atuineq nukissaaleqinerlu.   

5. Aalasarit

   

Timitta aalatittarnera iluserinnarpoq qiimanerulersitsisarlunilu. Timip aalatikulasarnera endorfininik timerput sananerutittarpaa - nuannaarnerulerlutalu qiimanerulersilluta. Pilluarnissamummi killeqanngitsumik perusunnerusarpugut, ilaa?

6. Sinilluarit

   

Qanorluunniit suliassaqartigigaluaruit sumiluunniit aamma suliffeqaraluaruit - timit maskiinaanngilaq qasuersaarnissamillu pisariaqartitsisarluni. Timitta qasuerluarnissaanut ca. 8 time sinittarnissaq pisariaqartittarparput, inummiik inummut assigiinngikkaluarluni. Sinilluartarit qiimanerulerlutillu angusarissaarnerusarniassagavit. 

7. Ullormut pilersaarusiortarit

   

Ullup ingerlapallannerata suliassaararpassuillu suliarisarneranni ullormut suliassat pingaarutillit puujorsinnaasarpagut. Angummassinnaajunnaarneq ilinnuinnaq tunneq ajorpoq, aamma qanigisannut tuttarmat. Sungiusaruk innartinnak 5 min adage suliassatit allattornissai. Stressernissamut illersuutaassaaq qanigisavillu aamma nuannaarutigissavaat aaqqissuulluakkamik ulloqartaruit.

8. Asanninnermik tunioraagit

   

Inuuninni sun pilluaatiginerpaaviuk? Ikinngutit ilaquttallu pilluaatiginerpaasanut ilaasimassapput. Oqaloqatigiinneq - illaqatigiinneq nuannisaqatigiinnerlu inuunerup kusanartortaasa ilagaat. Ullormut asasatit piffissamik tunikkit paasitillugillu ilinnut qanoq isumaqartiginersut asanerarlugilluunniit, ullut tamaasa. Takussavat qanoq iluarisimaarnartiginersoq - ilinnut tunniussiffinnullu.  

9. Imminut eqqaamagit

   

Allat piumasaat tunniunniarusaaginnartuuiuk? Eqqaamajuk illit pingaarnerpaajugavit. Imminut piffissaqarfiginissat eqqaamasaruk. Imminut piffissaqarfiginissaq assigiinngitsorpassuarnik iliuuseqarfigineqarsinnaavoq. Pisiniarfilerineq, nujalerisinneq, qimmimik aneerussineq atuakkamilluunniit atuarujoorneq. Ilinnut nuannersuunissaa taamaallaat pingaaruteqarpoq.

10. Pilluarneq niaqqunniit aallartittarpoq

    

Inuunermi aqqusaagassarpassuaqarpugut. Kukkusarnitit ugguaatitillu nakkassutiginagit inissikkit inuunerillu ingerlateqqillugu, imminut tatigalutit.  Eqqarsartariaaseq matuersaataavoq: akuersaartumik eqqarsartaaseqarneq ajunnginnerusumik aqqutissiuisarpoq.